Ураза гаете 2025 елда Казанда 30 мартта, якшәмбе көнне узачак. Казан һәм Татарстан мәчетләрендә гает намазлары түбәндәге вакытта башланып дәвам итәчәк:
Татарстанда шәһәр мәчетләрендә Ураза гаете намазы вакытлары:
• 06: 30 – Коръән уку
• 07: 00 – вәгазь
• 07: 30 — бәйрәм намазы
Татарстанның авыл мәчетләрендә бәйрәм намазын кояш чыкканнан соң 30 минут узгач үткәрергә киңәш ителә.
Теләгән кеше бәйрәм чараларын онлайн күзәтә алачак — ике каналда турыдан-туры телевизион трансляция оештырылачак:
• «ТНВ-Татарстан»
• «ТНВ-Планета»
Бу мөбарәк көн һәр йортка шатлык һәм бәхет китерсен!
Казанда Ураза гаете 2025 хөрмәтенә чаралар
Нурлы Ураза бәйрәме хөрмәтенә, 30 мартта, Казанда бай эчтәлекле программалар уздырылачак!
«Рамазан Фест» 13:00 сәгатьтә старт ала һәм шәһәрнең өч мәйданчыгын колачлый:
- Үзәк сәхнә Г. Камал исемендәге иске театр каршындагы мәйданда урнашачак
- Кабан күле буенда тематик «хәләл Опен-маркет»эшли башлый
- К. Насыйри урамы мастер-класслар, ходулистлар һәм аниматорлар шоулары булган балалар күңел ачу зонасына әвереләчәк. Кечкенә кунакларны күңелле сюрприз көтә — 3000 баллы «әтәч»конфеты!
Бәйрәмне ТР мөселманнары Диния нәзарәте һәм «Ният»хәйрия фонды оештыра.
«Әхмәдзәки» мәчете бәйрәм программасына 13:00 сәгатькә чакыра. Килүчеләрне вәгазләр белән рухи атмосфера, яшь Коръән укучылар чыгышы, саф һавада актив уеннар, мастер-класслар, мавыктыргыч викториналар, күңел ачу аттракционнары һәм тәмле ризыклар көтә.
«Гаилә» мәчетендә бәйрәм чаралары 11:00 сәгатьтә башлана. Кунакларны бай программа көтә: иҗади мастер-класслар, күңел ачу аттракционнары, танып белү викториналары, шулай ук балаларның яраткан тәм-томнары — татлы мамык һәм попкорн. Территориядә сәүдә рәтләре эшләячәк.
Апанай мәчете бәйрәм чаралары өчен ишекләрен 12:00 сәгатьтә ача.
Бу якты бәйрәм һәр йортка шатлык һәм иминлек алып килсен! Ураза гаете мөбәрәк булсын!
