Купшыл рус телендә щегол дип атала. Бу кошлар безнең планетада киң таралган, аларның яшәү урыннары: Көнбатыш Европа, Төньяк Африка, урта Себер, Иран, Һиндстан һ.б.

Бу ыругның иң типик вәкиле булып кара башлы купшыл (черноголовый щегол) санала. Безнең Татарстан территориясендә дә нәкъ шул төре күпләп очрый. Аның гәүдә озынлыгы 12 см чамасы, авырлыгы якынча 20 гр. Бик матур төрле төстәге каурыйлары әлеге кошны чыннан да бик купшы итеп күрсәтә.

купшыл

купшыл (фото)

Купшылның башы, күз кырыйлары, канатлары һәм койрыгы кара төстә. Ә менә йөзе, карлыгачныкы кебек кара-кызыл. Корсагы аксыл, сыртына таба аксыл төс салмак кына ачык көрәнгә әверелә. Чем кара канатларында аркылы ачык сары полосалар бар. Ана кошлар да шундый ук ачык төстә, матур, тик башындагы кызыл маскасы гына кечкенәрәк, күзенә кадәр, ә ата кошның маскасы күзеннән бераз арткарак чыгып тора.

Купшыллар табигатьтә чүп үләннәренең орлыклары һәм шулай ук бөҗәкләр белән тукланалар.

Характеры буенча купшыл бераз талашучан, күршесендәге кошларга саескан кебек кисәк тавыш белән чыркылдап ала, әмма вольерда яшәгәндә башка кошларга тиз ияләшә һәм үзен тыныч тота.

купшыл кош

купшыл

Купшыл — җырчы кошлардан санала, шунлыктан аларны, кенәриләр кебек, читлектә дә асрыйлар.