Татарстан Республикасы рәисе Рөстәм Миңнеханов Сабантуй бәйрәмен 2024 елда үткәрү даталарын раслады. Республика башлыгының рәсми сайтында басылган указы нигезендә бәйрәм түбәндәгечә узачак:
- 8-9 июнь — Татарстанның авыл җирлекләрендә, район үзәкләрендә (республика шәһәрләрен дә кертеп);
- 15 июнь — Яр Чаллы шәһәрендә;
- 23 июнь — республика башкаласы Казанда.
Узган ел Казанда Сабантуйны 24 июньдә билгеләп үттеләр. Чарага килүчеләр 170 меңнән артып китте. ТР мәдәният министры урынбасары Дамир Натфуллин билгеләп үткәнчә, кунакларның 20% ы милли татар костюмнары киеп килгән, бу шактый югары күрсәткеч.
Ә 2023 елда иң популяр төбәк бәйрәме булып Әстерхан өлкәсендәге Сабантуй билгеләнде, анда 65 меңгә якын кунак җыелды.
Сабантуй — Идел буе һәм Урал халыкларының традицион бәйрәме, ул ел саен июнь яки июль айларында билгеләп үтелә.
Сабантуй төрле яшьтәге һәм төрле милләт кешеләрен берләштерә, мәдәни традицияләрне саклауга һәм этникара бәйләнешләрне ныгытуга ярдәм итә.
Бүген бу бәйрәм Халыкарага әйләнде һәм Россиядә генә түгел, ә дөньяның башка илләрендә дә билгеләп үтелә.
